Ginbawian sang kabuhi ang driver sang tricycle sa nagluntad nga disgrasya sa dalanon alas 7:45 sang Oktubre 10, 2021 sa General Santos Drive, Brgy. Sto. Niño, Koronadal City.
Imbolbado sa nasambit nga insidente ang isa ka Kawasaki Bajaj, color black, ginamaneho sang biktima nga ginkilala kay Nelson Biyo Enojas, 34 –anyos kag nagaistar sa Prk. Bayanihan, Brgy. Sto. Niño, Koronadal City kag Toyota Avanza, color silver, ginamaneho ni John Paul T. Gisalta, 26 years old kag residente sang Brgy. Sta Cruz, Koronadal City.
Sa inisyal nga imbestigasyon sang Koronadal City Traffic ang tricycle ang nag- U-Turn kabangdanan nga aksidente nga nabungguan sang Toyota Avanza nga yara sa opposite direction.
Gindala pa sa ospital ang biktima, apang ginbawian sang kabuhi tungod sa naangkon nga seryoso nga pilas.
Samtang ang duha ka mga salakyan ang gindala naman sa Koronadal CPS Traffic Section.
