Tricycle nabanggaan sa Ambulansya

South Cotabato—angol ang usa ka tricycle driver human nga nabanggaan ug ambulansya ang gimanihuang tricycle niini sa Gensan Drive, Barangay Morales, Koronadal alas 8:40 ang takna sa gabie sa nakalabayng adlaw.

Giila ang biktima nga si Jonjie Dela Cerna, 48 anyos ug residente sa Reyes Subdivision, Brgy Morales, Koronadal City kansa nakaangkon ug mga bun-og ug samad sa lawas human nga nabanggaan ug Ambulansya nga iyaha sa LGU Tacurong City nga gimanihuan ni Roger Balino Baino, 47 anyos ug residente sa New Isabela, sa maong syudad.

Sa gihimong imbestigasyon sa kapulisan nauta nga miliko sa wala nga dalan ang tricycle mao nga kini nabanggaan. Paspas nga gidala sa South Cotabato Provincial Hospital ang biktima human sa insidenti. Sa karon nagpaalim nalang ang nasangpit sa iyang mga samad nga naangkon.


Facebook Comments