Trike driver sikop sa drug bust

Gunit na sa Regional Intelligence Division (RID) sa Police Regional Office 13 ang 37 anyos nga tricycle driver kinsa nadakpan sa gikasa nga drug buy bust operation kagahapon.
Naaresto ang suspek nga si Ariel Romero, alias “Junjun”, 37 anyos, tricycle driver ug residenti sa P-8, Brgy. JP Rizal ning syudad sa Butuan human malampusong napalitan ug drogang shabu sa nagpailang poseur-buyer nga asset sa kapulisan.
Nakuha sa posisyon sa suspek ang 6 ka sachet sa drogang shabu ug 1 ka dakung pakite sa shabu isip buy bust item, 1 thousand pesos nga marked money ug mga residue sa paggamit ug drogang shabu.
Nahitabo ang pagsikop sa P-1, Brgy. Holy Redeemer, atbang sa dakung establismento sa Langihan Public Market.
Nakatakdang pasakaan ug kasong paglapas sa RA 9165 kon Comprehensive Dangerous Drugs Act of 2002 ang nasangpit nga dinakpan. [image: trike puher.jpg]

Facebook Comments