Triple collision, 2 ang patay, 2 pilason

BAGO CITY, NEGROS OCCIDENTAL – Duha ang patay duha man ang nasamaran sang nagkarambola ang isa ka tanker, Hyundai Eon kag traysikol pasado las 9 kahapon sang aga sa national highway sang Brgy. Calumangan, Bago City.

Nakilala ang mga napatay nga sanday Nelio Daguio kag brother-in-law sini nga driver sang Hyundai EON nga si Lawrence Cavile samtang pilason naman si Alexander Cavile, tanan residente sang syudad sang Kabankalan.

Samtang, pilason naman ang driver sang traysikol nga si Ardee Jalea kag utod ni Lawrence nga si Alexander.


Ang driver sang tanker truck nga si Richard Alvarez, residente sang Brgy. Luna, Cadiz City ang naagom man sang mga lagob sa pila kabahin sang iya lawas.

Suno kay Traffic Investigator – PO3 Jeffrey Montinola, una nga nabunggoan sang tanker truck nga ginamaneho ni Alvarez, ang ginamaneho nga tricycle ni Jalea antis nabunggoan ang EON nga ginasakyan ni Daguio kag sang mag-utod nga Cavile.

Bangud sa kabaskugon sang pagkabunggo dead on the spot sanday Daguio kag Lawrence samtang padayon naman nga ginabulong sa Hospital si Jalea kag Alexander.

Kaso nga wreckless imprudence resulting to multiple homicide ang ginahanda na batuk kay Alvarez.

Facebook Comments