Truck misalpok sa vulcanizing shop, 2 patay samtang 6 angol

47

Davao City – Gideklarang dead on arrival ang duha ka mga biktima samtang unom ang angol human matigayon ang aksidente alas 5:20 kagahapon sa may Magsaysay St., Calinan ning syudad sa Davao nga gikalambigitan sa usa ka truck ug motorsiklo.

Ang Isuzu Forward Truck gimanehoan ni Jameswel Taale Sarigumba, 42 anyos, residente sa Purok 2 Brgy. Sirib, Caninan ning syudad samtang gipanag-iyahan ug gimanehoan ni Danny Amban Adormeo, 30 anyos, residente sa Purok 9 Brgy, Tamugan, Marilog ning syudad ang single motorcycle.

Migula sa inisyal nga imbestigasyon, gikan Baguio district ang Forward Truck pabalik sa Calinan Poblacion apan pag-abot sa dalang Magsaysay sa maong dapit kalit matud pa nag-malfunction ang brake niini hinungdan nga misalpok kini sa usa ka vulcanizing shop lakip naigo ang walo ka mga biktima.

Ang mga biktima mao sila si:

Joel Lagasco, 64 anyos, taga-Purok 8 Magsaysay St., Calinan, Davao City
Rosalie Bolanoy, 27 anyos, residente sa Purok 4 Brgy. Tamugan Marilog District
Ruel Mutoc Busalanan, 40 anyos, taga-Magsaysay St., Calinan
MarygeAlmodin, hingkod ang pangidaron, walay kumpletong address
Ramie Santorinas, 17 anyos, taga-Magsaysay St., Calinan
Randy Dellomes, 24 anyos, nanimuyo sa Meucan Arakan North Cotabato
Kris Sige, 23 anyos, residente sa Purok 3 Brgy. Dacidao, Calinan
Mike James Casol, 15 anyos, taga-Hilsha, Durian Village, Calinan

Gisulayan sumala pa og haod si Bolanoy ug Lagasco paingon sa Isaac Robillo Hospital apan gideklara na kining dead on arrival samtang luwas ug nadala sa Brokenshire Hospital ug Southern Philippines Medical Center (SPMC) ang laing unom ka mga biktima kinsa nakahiagom lang og pipila ka mga samad sa kalawasan.

Sa pagkakaron gikustodiya na sa Calinan PNP ang driver sa maong truck ug ang sakyanan niini aron palawman pa ang imbestigasyon.

RadyoMaN Jason Amisola / RadyoMaN Paul Canono

Facebook Comments