TUBIG SA MAASIN WATERSHED GINAKABALAK-AN NGA PAGAKULANGON NA BANGUD SA EL NIÑO.

519

Ginakabalak-an nga pagakulangon na ang tubig nga iga-distribute sang Metro Iloilo Water District ukon MIWD sa mga konsumidor sa siyudad kag probinsya sang Iloilo.
Ginpahayag ni Engr. Ed Manaay nga sa karon tuman na ka nubo sang level sang tubig sa Maasin Watershed nga amo ang mayor nga ginakuhaan sang supply sang tubig sang MIWD.
Suno kay Engr. Manaay nga amo ini ang problema tagsa ka mag-abot ang tig-ilinit ilabi na kon may El Niño phenomenon bangud wala na sang iban nga sources ang MIWD kabangdanan nga ginakulang gid ang supply sang tubig.
Bangud sini, ginpahayag ni Manaay nga dapat ma-improve ang Maasin Watershed agud mas madamo nga tubig ang matipon sa kadadalman sang duta nga mahimo makasustener bisan ano pa ka lawig sang tig-ilinit.
Isa sa pinakamaayo nga tikang agud ma-improbar ang watershed area amo ang pagpananum sang madamo nga kakahuyan.

Facebook Comments