Tugbok ug Agdao nabulabog sa ‘Oplan bulabog’

22

Davao City – Gipahigayon ang laing hugna na usab sa Joint Anti-Criminality and Terrorism Operation Plan kun ‘Oplan Bulabog’ kaganinang buntag sa pipila ka mga Barangay dinhi sa syudad.

Natala sa kapulisan sa Tugbok ang 127 ka mga personalidad sa brgy. Los Amigos Tugbok nga dunay napakitang IDs samtang 18 ang walay napakitang IDs.

Samtang sa datos sa San Pedro PNP, 169 ang gipailawum sa profiling sa Brgy34-D diin 3 niini ang walay napakitang IDs ug duha ka tawo ang naaresto nga sila Rachel Mae Raypon, 31 anyos, nagpuyo sa may Ulas nga dunay kasong kalapasan sa R.A 8282 ug Carol Felisidad, 44 anyos sa kasong pagpangawat.

Dugang niini, 169 usab ang na-profile sa Brgy.Wilfredo Aquino , Agdao nga gipahigayon sa Sta Ana PNP diin 155 ang naay IDs, 14 ang wala ug lima ang nadakpan nga dunay warrant of arrest nga sila Reynaldo Rasado sa kasong Robbery, Bernadeth Moreno sa kasong Estafa, ug tulo dunay kasong qualified theft nga mao sila Edito Parin’o,Roseller Paluma ug Poscar Espina.

Ang maong operasyon nahimong malinawun.

RadyoMaN Paul Canono/ RadyomaN Don Pulayao

Facebook Comments