Tulay sa Marilog naguba tungod sa baha

Davao City – Napaabot na ngadto sa Department of Public Works and Highways (DPWH-XI) ug Davao City Engineer’s Office ang pagkaguba sa temporaryo nga tulay o temporary access road sa Sitio Kulafo, Barangay Magsaysay, Marilog District, Davao City tungod sa kusog nga ulan niadtong Lunes (Agosto 8, 2022).

Sa interbyu sa DXDC RMN Davao kang Alfredo Baloran, head sa Davao City Disaster Risk Reduction and Management Office (CDRRMO), gibutyag niini nga ilang gipaningkamutan nga daling maaksyonan ang insidente aron dili mabalda ang lihok sa mga tao nga nagagamit sa tulay.

“Sa kakusog sa current sa tubig ug sa ulan, naguba napud ‘tong access road nga gihimo. So, karon ang tulay, kadtong temporary bridge nila, dili gyud ‘to maagian sa any vehicles kay nakabkab man, natumba,” saysay ni Baloran.

Gipasalamat usab sa CDRRMO head nga walay natalang injured sa insidente apan padayon nga gipaigmat ang Davaoeños ilabina sa epekto sa masinatiang mga pag-ulan sa dakbayan sa Davao.

RadyoMaN Kirby Manzon

[image: width=] <www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments