Tulisan sikop sa entrapment operation

106

General Santos City—sikop ang usa ka tulisan sa gihimong Entrapment Operation sa barangay Cannery Site, Polomolok South Cotabato human nakigsabot sa biktima niini nga makighilawas bugti sa pagbalik sa mga butang nga iyang gikawat.

Alas 9:00 ang takna sa gabie, Myerkules, Mayo 31, 2017 dihang midangop sa Polomolok Municipal Police Station ang biktima nga sio Jayvncy Nuñez, 28, empleyado sa Western Union ug residenti sa Banga South Cotabato human kining gitulis sa wala pa mailhing mga suspetsado.


Subay sa sumbong sa biktima samtang siya naglakaw uban sa iyang ka-boardmate nga si Ruth Roquero, lady security guard kalit lang nga dunay mihunong nga motorsiklo sa ilang tapad sakay ang duha ka mga lalaki nga pulos nag sul-ob ug sweat shirt, maong pants ug nakataptap ang mga nawong.

Kalit lang nga dunay gibunlot dayon gitiunan ang duruha dungan sa pag deklara ug tulis. Pugsanong gikuha ang bag sa biktima nga dunay sulod nga cellphone ug kwarta kantidad ug P210.00. paspas nga misibat ang mga suspek saw ala sayring lugar.

Ikaduhang mireklamo ang biktimang si Marlyn Maquilang Maquiling y ampong, 44, minyo, residenti sa Prk. Olano, barangay Magsaysay. Alas 9:15 ang takna sa gabie samang adlaw samtang nagbaktas ang biktima uban sa iyang mga kaubanan sa simbahan dihang kalit lang kining giduol sa mga suspek dayon mireklara ug tulis.

Nakuha sa biktima ang pouch nga dunay sulod n ga Cellphone ug kwarta nga P120.00 pesos. Paspas nga misibat ang mga suspek human sa insidenti.




Subay sa pakighinabi sa kapulisan sa mga biktima, sama ra ang diskripsyon sa mga nahisgutan. Pila ka gutlo ang nakalabay, mitawag ang suspek nagdto sa biktimang si Nuñez ug nag sulti nga iyang iuli ang cellphone ug mga personal nga dukumento niini bugti sa pakighilawas sa nahisgutan.

Didto na giplanohan ang entrapment operation sa suspek sa may Prk. Salada, atubangan sa Vulcanizing Shop sa Barangay Cannery. Samtang nag tindog ang biktima sa daplin sa kalsada didto na miabot ang duha ka mga suspek, gimanduan sa mga nahisgutan ang biktima nga musakay sa motorsiklo dito na milihok ang otoridad ug dakpon unta ang mga suspek apan nakamatikod ang back rider, mibunlot kini ug pusil dayon mipabuto.

Napugos ang operatiba sa Polomolok PNP sa pagbalos sa mga suspek, igo sa iyang paa ang driver nga si Gerald Estaniel, 25 residenti sa Prk. Mapag-on, Barangay upper Klinan sa samang lungsod.

natumba ang mga suspek apan malampusong nakadagan ang backrider padulong sa Pinyahan nga bahin sa maong lugar. Samtang nalampuson usab nga nasikop ang driver nga si Estaniel. Sa karon ang suspetsado na-confine pa South Cotabato Provincial Hospital ug gikatakda nang pasakaan ug kaso.

Facebook Comments