Tulo arestado sa droga

Davao City – Duha ka sunod-sunod nga drug buy-bust operation ang gilusad sa Talomo Police Station batok sa duha ka mga suspetsadong drug pusher.

Sa blotter sa Talomo PNP, unang nadakpan sa Crossing Anahaw Villag, Barangay Ma-a, Davao City, alas 11:30 sa kagabhion ang suspek nga si Jason Catubig, 18 anyos, diin nakompiskahan og mga pinaugang dahon sa marijuana nga nagkantidad og P1,200.

Ikaduhang buy-bust operation natigayon alas 12:25 sa tungang gabie sa NHA Barangay Ma-a Diversion Road, Davao City, nga miresulta sa pagka-aresto ni Efren Bete, 23 anyos, ulitawo ug nagpuyo sa nahisgutang lugar kansang nakuhaan ug mga pina-ugang dahon sa marijuana nga dunay street value nga P1,000.


Sa pikas bahin, arestado usab sa San Pedro PNP si si Bryan Gordo Sabas, 29 anyos, ug residente sa Prk. 2 Brgy. 76-A Bucana human nakuhaan og kantidad P4,000 nga iligal nga droga.

Karong adlawa pasakaan og kaso sa kapulisan ang tulo ka mga dinakpan sa kalapasan sa R.A. 9165 sa City Prosecutor’s Office.

RadyoMaN Erin Lumosbog / RadyoMaN Paul Canono

Facebook Comments