Tulo arestado sa drug bust

Davao City – Arestado sa San Pedro PNP ang duha ka mga lalaki ug usa ka babae nga nalambigit sa pagpamaligya og iligal nga droga sa managlahing lugar ning siyudad.

Unang naaresto sa may Rizal Extension ning syudad sila si Mats Amerel Macabayao ug Normana Jarlata Mangacog kinsa nakuhaan og pito ka mga sachet sa gitoohang shabu nga mobalor sa P15-mil lakip ang usa ka cellphone.

Milabay lang ang pipila ka mga oras nadakpan usab si Mokmok Mimalias, hamtong ang pangidaron, residente sa Piapi Boulevard bandang ala-1:00 pasado kaganinang kadlawon kinsa malampusong napalitan og usa ka pakete sa gituohang shabu kambyo sa P1,000.


Ang mga suspek kasamtangan nga balhog na sa bilanggoan sa San Pedro PNP ug mag-atubang sa kasong paglapas sa R.A. 9165 kun Comprehensive Dangerous Drugs Act of 2002.

RadyoMaN Paul Canono

Facebook Comments