Tulo ka barangay kapitan ning syudad, anaa sa narco-list sa P-DEA 10; apan mga pangalan, gipugngan una alang sa dugang validation

Nalakip karon sa narco-list sa Philippine Drug Enforcement Agency kon P-DEA Region 10 ang tulo ka barangay kapitan ning syudad tungod sa kalambigitan sa illegal nga druga.

Kini ang gibutyag ni PDEA-10 Director Wilkins Villanueva atol sa press conference sa maong buhatan ning bag-o.

Basi sa PDEA-10 nga adunay 33 ka mga barangay kapitan sa rehiyon ang nalambigit sa illegal nga druga apan dili una niya nganlan ang maong mga opisyal nga anaa sa listahan sa nagkalain-laing probinsya.


Nasayran nga gikan sa 11 ka mga barangay opisyal, moabot na sa 33 ang anaa sa narco-list diin 22 niini ang kasamtangang giupaubos sa validation sa P-DEA 10 ug sa 22 upat niini ang gikan sa Misamis Oriental, tulo sa Cagayan de Oro, walo sa Bukidnon, lima sa Lanao del Norte ug tag-usa sa Camiguin ug Misamis Occidental.

By: RadyoMaN Ellah Baculio

Facebook Comments