Tulo ka mga druglisted personality ang nasikop sa Police Station 2 Cogon sa pagpanguna ni PSI Dennis Gutierez Quindara sa gihimong buy bust operation uban ang PDEA-10 ug MIF- ISAFP sulod sa Santes Inn room 102 sa dalang Osmena St, Barangay 28 ning siyudad.
Ang tulo ka mga dinakpan mao silang Bryan Bagas, 33 anyos, dunay live-in nga taga Kibaghot, Laguindingan, Diego Gertos, 43 anyos, minyo nga district 2, Barangay Consolacion ug Jonalou Bughaw, 33 anyos, dunay live-in nga taga Kimaya, Jasaan, Misamis Oriental.
Nakuha sa ilang posisyon ang usa ka sachet sa small elongated heat sealed transparent cellophane nga dunay sulod gitoohang shabu, 500 pesos buy bust money, lima ka tag 100 pesos, laing unom ka sachet sa shabu nga dunay timbang 0.80 grams ug gibana-banang nagkantidad sa 5 mil pesos ug usa ka granada.
Ang inventory gihimo sa area uban ang presensya ni brgy kagawad Philip Jamed Casares samtang ang mga nakumpiska gidala na sa PNP-10 crime laboratory.
Mga suspek karon ang gikustodiya sa Police Station 2, Cogon samtang giandam ang kasong ipasaka batok kanila.
