Malampuson nga nadakpan sa kapolisan sa Puerto Police station ang tulo ka mga lalaki human nag-pot session sa Purok 4- Barangay Tablon ning syudad.
Matud ni Police Captain Mario Mantala ang Hepe sa Puerto Police nga naila ang mga suspek nga silang Mark Benjie Buenvinido, Alvin Tedlos, ug Aldwin Banac, puros residente sa maong dapit.
Dugang pa ni Captain Mantala, nga atol sa operasyon sapon sa akto ang tulo nga nagsuyop og shabu, sulod sa usa ka abli nga cr sa maong lugar.
Narekober sa posisyon sa mga suspek ang paraphernalias nga maoy gigamit sa ilang pag-pot session, ug unsealed cellophane pack sa gituohang shabu.
Ang mao nga operasyon ang gisaksihan mismo sa usa ka Barangay Kagawad sa Barangay Tablon uban sa tabang sa mga residente sa area nga mitawag ug mireport kanila.
