Patay ang tulo ka managhigala human mabangga ang ilang gisakyan mga alas tres bente sa kadlawon sa CM Recto, Barangay Gusa ning syudad.
Nasayran nga sakay sa Toyota MRS kolor pula nga adunay plate # YCB-685 silang Rhett Lester Ang Gaeid, 21 anyos nga nagpuyo sa AAG Trucking Services sa Corrales; Cameron Lili Madrid Trabajo, 21 anyos, ulitawo nga taga-Pasil Kauswagan ug Louise Gail, 20 anyos.
Base sa inisyal nga imbestigasyon nga gikabangga sa Toyata sa maong dapit ang Chevrolet, Colorado nga gimaneho ni Jose Georlin, 49 anyos, ulitawo nga taga-6th division, Barangay Patag ning dakbayan.
Gumikan sa kusog nga impact, nadasok ang tulo sa unahang bahin sa sakyanan nga posibleng hinungdan sa ilang pagkamatay.
Sa karon, gikustodiya na sa police station 3 Agora ang driver sa Chevrolet, Colorado.
