Tulo ka mga tawong nangawat ug krudo, gikasuhan na

12

Tantangan, South Cotabato–Gikumpirma ni Police Captain Romeo Albano Jr. hepe sa Tantangan MPS nga gipasakaan na nila ug kaso ang tulo ka suspetsado kansa una nang nadakpan nga nagapangawat ug krudo sa usa ka construction firm kagahapong adlawa sa area sa Tantangan, South Cotabato.

Sumala pa ni Albano nga kasong kalapasan sa Anti-Fencing Law ang gipasaka nila sa duha ka dinakpan nga silang Charlon Dimaucom,27 anyos, ug si Edwin Magluyan 18 anyos, pulos mga driver ug susamang nanimuyo sa Purok Mabini, Dajay, Surallah, Sot.Cot. samtang ang dump truck driver sa maong construction firm nga si Ricky Bitco,44 anyos nga nanimuyo sa Kenram, Isulan, Sultan Kudarat ang gipasakaan ug kasong qualified theft tungod sa pagmaligya niini ug krudo sa kompanyang gitrabahuan.


Nasayran nga niadtong higayon nagpahigayon matud pa ug ronda ang mga tanod sa brgy. Tinongcop sa pagpanguna ni Kapitan Ernesto Layos ug namatikdan niini ang duha ka suspek nga nagakarga ug krudo sa ilang mga motorsiklo sa dihang gipangitaan ug dokumento walay maipakita ang mga nasampit hinungdan nga gilayon nilang giturn-over sa kapulisan.

Narekober sa kapulisan nga 14 ka container nga dunay sulod nga moabot sa 22 litro kada usa ug duha ka motorsiklong maoy gikargahan nga kasamtngan anaa sa kustudiya sa Tantangan PNP. (Reynald Timario)

Facebook Comments

From Advertisers