Tulo ka wanted person, nasikop sa managlahing operasyon sa Cagayan de Oro ug Misamis Oriental

Nasikop sa managlahing operasyon sa kapulisan sa Cagayan de Oro ug Misamis Oriental ang tulo ka wanted person.

Unang nasikop niadtong Lunes si Rolando Talja, Jr., 34 anyos, minyo taga Barangay San Juan, Gingoog City, Misamis Oriental.

Nasikop si Talja pinaagi sa warrant of arrest sa kasong slight physical injury na dunay piyansa nga dos mil pesos.


Ikaduhang nasikop si Jopher Batoon, 30 anyos, minyo ug taga Zayas, Barangay Carmen ning syudad sa Cagayan de Oro.

Gisikop si Batoon tungod sa kasong paglapas sa Anti-violence against women and their children act of 2004 nga naay piyansang 120 mil pesos.

Ikatulong nasikop kagahapon sa buntag si Marites Pacultad, 49 anyos ug taga Barra, Opol, Misamis Oriental.

Si Pacultad dunay kasong paglapas sa Comprehensive dangerous Drugs Act of 2002 ug naay piyansa nga 40 mil pesos.

By: RadyoMaN Annaliza Amontos-Reyes
PC: Gitagum Municipal Police Station and Gingoog City Police Station

Facebook Comments