Gisikop sa kapulisan sa Gingoog City ang tulo ka wanted persons tungod sa managlahing kaso.
Mga alas 10 sa buntag kagahapong adlawa sa Barangay San Luis, Gingoog City gisikop ang suspek nga si Glen Rosil Cabuyaon alyas Dodoy.
Si Cabuyaon nag-atubang sa kasong paglapas sa Republic Act 9262 or Violence Against Women and their Children Act.
Samtang gipahibalo usab ni Police Supt. Ariel Philip Pontillas, Acting Chief of Police sa Gingoog City Police Office nga niadtong Agosto 31 ning tuiga laing duha ka wanted persons ang ilang nasikop.
Kini mao ang magsoong Doño Ayuma Acero, 35 anyos ug Mario Acero nga puros nagpuyo sa Purok 7, Barangay Agay-Ayan, Gingoog City.
Gisikop ang duha tungod sa giatubang nga kasong pagpatay.
Facebook Comments
