Tulo naaresto sa Oplan Kalinaw

Davao City – Sa kapin 500 ka mga tao ang gipailawom sa profiling, tulo ka wanted person ang arestado sa kapolisan human gisilbi ang warrant of arrest atol sa gilusad nga Oplan Kalinaw sa Purok 14 Busna St., Bucana, Brgy. 76-A siyudad sa Davao.

Sa datos gikan sa San Pedro PNP, ang nasikop mao sila Herald Cuevas nga dunay kasong kalapasan sa RA 7610 kun Child Abuse, Richard Mananday sa kasong qualified theft ug single thetf ingon man si Paul Litoy nga dunay kasong kalapasan sa RA 9165 kun Comprehensive Dangerous Drugs Act of 2002.

Nitabang usab ang mga sakop sa kapolisan sa DCPO, Police Auxillary, M2, CMFC, SWAT Team ug Mobile Patrol Group, PCG, Bureau of Fire Protection 11, Task Force Davao ingon man ang mga personahe sa barangay sama sa barangay health worker, barangay police ug barangay tanod.


RadyoMaN Don Pulayao

Facebook Comments