Nadakpan sa mga kapulisan ang tulo ka suspetsado sa pagpangawat og pinya didto sa Del Monte Philippines Field 59 nga nahimutang sa Sitio Kulambugan, Brgy. Danatag, Baungon, Bukidnon kagahapong adlawa.
Giila ang mga nadakpan nga sila Elmer Paez, 48 anyos, Stewart Dacobor, 29 anyos ug si Generoso Jacaba, 32 anyos ug pulos mulopyo sa Zone-1, Lumbia, Cagayan De Oro City.
Sumala sa taho sa kapulisan nga nakadawat silag report sa on-duty nga security guard mahitungod sa maong pagpangawat, dali-dali kini nilang gioperasyonan ug naintercept sa maong area ang tulo ka suspetsado nga sakay sa motorsiklo ang unom ka sako sa pinya nga gibana-banang mukantidad og kinatibuk-ang P153,000.00.
Gidala na sa Baungon Municipal Police Station ang mga nadakpang suspetsado alang sa tokmang disposasyon.
