Tulo nadakpan sa pagpayuhot sa illegal nga droga

Gironda sa mga kapulisan ang panimalay sa usa ka Rogelio Mondia Jr. gumikan sa pagpayuhot sa illegal nga droga pasado alas 5 sa buntag adtong milabayng Domingo didto sa Purok-3A, Brgy. Poblacion, Kadingilan, Bukidnon.

Nasikop ang girombong suspetsado sa maong operasyon lakip ang laing duha ka mga personalidad. Giila kining sila Robert Tapic, 24 anyos ug si Rey Barliso, 22 anyos nga pulos mulopyo sa naasoy nga lugar.

Narekober usab sa panimalay ni Mondia ang klase-klaseng drug paraphernalia lakip ang kapin kon kulang 7.55 gramos nga drogang shabu nga gibana-banang mukantidad og P51,340.00.


Gidala na sa PNP Crime Laboratory sa Malaybalay City ang mga dinakpan lakip ang mga nakompiskang ebidensya. Samtang mag-atubang ang mga suspetsado sa paglapas sa Section 5 ug 11 sa Article II sa RA 9165 kon Comprehensive Dangerous Drugs Act of 2002

Facebook Comments