Nasikop sa mga personahe sa Villanueva Municipal Police Station ang tulo ka lalaki human nasapong nagpustaay sa pagpa-away og damang o arawan sa Zone 3, Barangay Katipunan, Villanueva, Misamis Oriental mga alas 3:30 sa hapon.
Mga dinakpan mao silang Teofie Bao, 30 anyos, taga Medina, Misamis Oriental, Diomedes Acenas Jr, 41 anyos, taga Barangay Puerto ning dakbayan ug Jheyfre Lord Jumamil, 33 anyos nga taga Barangay Bugo ning dakbayan.
Nakuha sa ilang posisyon ang 36 ka damang o arawan lakip na ang taya.
Samtang ang mga dinakpan gikustodiya na sa Villanueva Municipal Police Station ug posibleng mag-atubang sa kasong paglapas sa Presidential Decree 1602 o illegal gambling.
Facebook Comments
