Davao City – Kritikal ang kondisyon sa usa ka mananagat human gidungab alas 2:00 sa kahaponon sa Purok 5-B Punong Dos Km. 24 Bunawan siyudad sa Davao.
Subay sa report gikan sa blotter sa Bunawan PNP giila ang biktima nga usa ka Roel Buhawi, 40 anyos samtang ang suspitsado mao si Joel Quilantang, 54 anyos pareho nagpuyo sa nasangpit nga lugar.
Sa inbestigasyon sa kapulisan sa Bunawan nasayran nga bangi ang motibo sa pagdungab sa biktima.
Matud pa alas 9:00 sa kagabhion nag-inom pa kining biktima ug ang suspek kauban ang usa ka alyas Tata. Nasayran nga niuli pa kining suspetsado apan pagbalik niya kalit niyang gi dunggab ang biktima tumong sa dughan niini.
Human sa hitabo daling gitabang ug gidala sa Southern Philippines Medical Center si Buhawi aron matambalan.
Samtang ang suspetsado nasikop usab sa kapulisan ug balhog na sa Bunawan PNP ug mag atubang kini og kasong frustrated murder.
RadyoMaN Don Pulayao
