Tungod sa bikil, lalaki gigulgulan sa liog, patay

31

Davao City- Bikil ang nakit-ang hinungdan kon motibo sa pag gulgol sa liog sa usa ka lalaki nga miresulta iyang kamatayon sa Barangay Ngan, Compostela, Comval Province niadtong nakalabay’ng gabii.

Ang biktima giila nga si Godofredo Binuya Sr., 58 anyos, minyo ug nagpuyo sa Purok 20, Sitio Nursery , Barangay Ngan, Compostela, samtang ang suspect mao si Rodrigo Sading, 29 anyos nagpuyo sa susamang lugar.

Sumala sa imbestigasyon sa Compostela Municipal Police Station, alas 9:30 ang takna sa kagabhion natigayon ang paggulgol sa liog sa biktima sa dihang nagkabangi ang duruha samtang nag-inom. Gamit ang usa ka kutsilyo sa makaduha ka higayon nga miresulta sa kamatayon ni Binuya. Human sa insidente suspetsado nga si Sading, ang misurrender sa kapolisan.

Kasamang Jules Catisay

Facebook Comments