Iligan City- Nakalingkawas sa kamatayon ang usa ka lolo human kini naghikog pinaagi sa pag inom ug insecticide ala una sa hapon kagahapong adlawa didto sa lubong sa iyang asawa sa may Dalipuga Cemetery Iligan City.
Ang maong biktima nailing si Edilberto Ardina 60 anyos ang panuigon ug molupyo sa Purok Manwang Ubaldo Laya sakop ning syudad sa Iligan.
Matud pa , miadto sa menteryo ang maong lolo ug giinom ang insecticide sa mismong lubnganan sa iyang asawa nga namatay pipila ka tuig na ang nakalabay.
Nakapauli pa sa ilahang pinuy-anan ang maong biktima apan kalit nga mireklamo kini tungod kaynaglisod na ug ginhawa.
Dali kining gidala sa City Hospital ug sa karon anaa na sa luwas nga kahimtang human nga giatiman sa mga mananambal.
Blangko pa ang mga tagtungod niini sa hinungdan sa paghikog apan usa sa gitan-aw nilang rason mao ang pagka depress ug kamingaw niini sa namatay niyang asawa.
