Tungod sa hantak lalaki gisikop sa PNP Postigo

Leon B. Postigo- Tingkagol sa balay bilangguan ang usa ka lalaki human kini aktong nasapon sa mga tinugyana sa balaod nga nagpahigayon ug illegal nga sugal didto sa may Brgy. Tinuyop, lungsod sa Leon B. Postigo, sa miaging adlaw 2:35PM.

Kahinumduman dali nga naghimo ug operasyon ang Leon B. Postigo MPS sa pagpanguna ni PCI Manolo Echem sa nahisgutan nga brgy. Didto naaktuhan gayud si Jaime Oracoy, 57 anyos taga brgy. Pob. Bayog, ZDS nga nagdula ug Cara y cruz o Hantak.

Sa walay pagduha-duha gilayon ge aresto kini sa kapulisan ug nakuha sa iyang posisyon ang ka steel ring nga adunay bato, duha ka lata adunay sulod nga mokantidad sa P979.00, duha ka sentimo nga coin nga kung diin maoy gigamit para sa hantak.


Ang dinakpan atubangon niya nga kasong paglapas sa PD 1602, kun mapamatud-an sa korte ang kasong ipasaka batok kaniya.

Facebook Comments