TUNGOD sa kalisod nga nasinati sa pagbaktas sa kabukiran, 1 ka kumander uban ang upat niini ka sakop ang mitahan sa ilang kaugalingon sa mga sundalo didto sa 97th Infantry “Kalasaglahiā Battalion (97th IB) ug 42nd Infantry “Tagapagtanggol” Battalion, naka base sa Pob. Leon B. Postigo, ZDN.
Ang mitahan mao si alyas Warwar nga mao ang kumander sa Platoon Guerilla Front Feliciano Alpha; u gang kauban niini nga sila si alyas Ronald, alyas Jorel, ug, Alyas Chyna Mae nga sakop sa Main Regional Guerilla Unit (MRGU); ug alyas Jimmy myembro sa Yunit Militia (YM), ilawom kini sa Western Mindanao Regional Party Committee (WMRPC) nag lihok sa Zamboanga Peninsula ug probinsya sa Misamis Occidental.
Apil nila nga gitahan ang 8 ka mga (8) High-powered firearms, nga gilangkuban sa (1) Cal. 50mm Sniper Barret rifle uban sa 1 ka magazine; (1) M79 Grenade Launcher; (6) AK47 assault rifles uban sa 14 ka magazines ug mga bala.
Saysay pa ni alyas Warwar nga 20 ka tuig siyang nagsilbi isip sakop sa NPA ug 5 ka tuig siyang nahimo nga kumader sa Platoon GF Flex, “Aā, hangtod nga naka hukom siyang boluntaryong mo tahan aron pagpuyo nga malinawon uban sa iyang pamilya.
Gipasaligan matod pa sila nga tabangan ang ilang pamilya ug hatagan ug maayong trabho apan ang tanan pulos bakak ug gisilsil sa ilang huna-huna ang pakigbatok sa gobyerno.
Usa matod pa sa naka paaghat kang alyas War-war nga mo surender, human iyang nadungog ang balita nga giatiman sa mga sundalo ang iyang kauban nga kumander nga si alyas Peewee nga gipatambalan, nakadawat benepisyo gikan sa gobyerno.
Sa habig usab ni Lt. Col Manaros Boransing ang commander sa 97IB, naglaom nga daghan pang mga rebeldeng NPA ang motahan aron mapahimuslan ang tabang pinansyal sa gobyerno ug makauban na nila ang ilang tagsa-tagsa ka mga pamilya.
