ANAK, PATAY NA, GISUNOG PA SA BUTUAN CITY
Giangkon sa 63 anyos nga amahan nga gisunog niini ang iyang kaugalingong anak.
Asoy sa amahan nga si Rolando Casipong, usa ka mag-uuma, residente sa Purok-6 Brgy. Anticala ning syudad sa Butuan nga patay na ang iyang anak nga si Romy Casipong, 23 anyos dihang iya kining gisunog.
Sa pagsunog, mitabang sab ang iyang asawa nga usa ka PWD ug anak nga adunay deperensya sa pangutok.
Nahitabo ang pagsunog sa patayng lawas niadtong pang Enero 16, 2021 apan karon pa lang mihimo sa pag-imbestiga ang kapulisan sa Police Station 4 human nadawat ang report gikan sa mga silingan nga adunay patayng lawas sa usa ka anak ang gisunog sa bukirang bahin sa Brgy. Anticala.
Saysay sa amahan nga adunay gihambing balatian ang iyang anak, “adunay impeksyon sa kinatawo og nalaygay na.” Sa dihang namatay niadtong Enero 16, tungod sa kawad-on nakadesisyon siya uban ang iyang asawa ug usa ka anak nga sunugon na lang ang maong patay’ng lawas sa compose pit duol sa ilang balay aron nga wala nay daghang mahasol butang nga giimbestigahan karon sa Police Station 4.
Sa interview sa RMN DXBC Butuan sa programang ‘Straight to the Point’ giangkon sa amahan ang ilang salaod nga nahimo ug andam matud pa siyang manubag sa balaod.
Hinoon walay interest ang ubang mga anak ni Rolando nga pasakaan kini ug kaso gumikan kay ila matud pang nasabtan kong nganong nahimo ang pagsunog sa ilang igsoon nga patay na.
