Tunnel sa Baganga asa natabunan-patay ang usa ka lalaki, walay permi

32
Davao City – Posibleng manubag ang nagdumala sa usa ka treasure pit sa Barangay Poblacion, Governor Generoso, Davao Oriental diin usa ka 29 anyos nga lalaki ang namatay human natabunan og yuta niadtong Lunes (September 19, 2022).

Sa interbyu sa DXDC RMN Davao kang Police Corporal Reymark Amigo, Assistant Operation Officer (Police Non-Commissioned Officer) sa Baganga Municipal Police Station (MPS), giila niini ang biktima nga si Romeo Delcampo, 29 anyos, residente sa Barangay Nangan sa maong probinsya.

Matud ni Amigo, sa gihimong imbestigasyon, walay gipakitang dokumento ang nag-finance sa tunnel aron makapahigayon og operasyon.

Sa pagkakakaron, nakig-alayon na usab ang awtoridad sa Municipal Environment and Natural Resources Office (MENRO) aron manubag ang responsable sa insidente.

“According sa result sa investigation, ang financer diay, wala silay pertinent documents para magkalot sila. Wala silay permit nga mag-tunnel sila,” butyag sa pulis.

Nasayrang kauban sa biktima ang iyang igsoon nga si Marlon Delcampo sa dihang nahitabo ang insidenteng pagdahili sa yuta kung asa swerte kining naka-survive, samtang, dead on arrival sa hospital ang igsoon nga si Romeo.



“Ang biktima ug iyang igsoon, niadto sa ilalom unya nagkalot napud sila. Wala nila natimberan ang ilang gikalot unya nahugno. Mao ‘tong natabunan sila sa ilalom,” saysay sa pulis.

RadyoMaN Kirby Manzon

Facebook Comments