Ukay-ukay vendor gipusil

Davao City – Gisulayan og pusil ang usa ka ukay ukay vendor alas 6:00 sa kabuntagon sa Purok 1 Baranagay 5-A Bankerohan siyudad sa Davao.

Subay sa report gikan San Pedro Pnp naila ang complainant nga mao si Casanor Amintao, 37 anyos samtang ang suspek nailang si Muhammad Macabantog, hingkod ang edad pariho nagpuyo sa nasangpit nga lugar.

Matud pa sa blotter, samtang ang complainant naglakaw pauli sa iyang pinuy-anan gikan sa Rizal Park ug miagi sa suspek nga nakig inom sa iyang mga higala.


Kalit nagkalalis ang duha hinungdan nga gibaharan sa suspek ang kinabuhi ni Amintao ug nakigbugno.

Gawas niini, mikuha usab ang suspek og wala matino nga armas dayon pusil sa biktima apan maayo na lang nga wala naigo ang complainant.

Sa pagkakaron padayon pa nga giimbestigahan sa kapolisan ang maong insidente.

RadyoMaN Don Pulayao

Facebook Comments