Ulan wala nakaapekto sa pagsaulog sa bag-ong tuig dinhi sa Zamboanga del norte.

Taliwala sa ulan kagabie hangtod na sa pagsugat sa bag-ong tuig wala nagpa apekto ang mga Zanortehanon tungod kay padayon ang ilang kalipay sa dihang pagsugat sa 2019.

Gani bisan paman wala pa ang takna sa alas 12AM pero daghan na ang sige ug pabuto kay matod pa pang abog sa mga malas.

Pagpatak sa 12AM sunod sunod na ang buto-buto sa mga pabuto ug mga fireworks display dinhi sa tibuok dakbayan sa Dipolog.


Halos mabuot ug aso ang tibuok dipolog tungod sa kadaghan usab sa mga nagpabuto sa dihang gisugat ang bag-ong tuig.

Samtang hapsay ug malinawon ang pagsugat sa 2019 kini ang gibutyag sa kapulisan dinhi sa probinsya sa Zamboanga del norte.

Walay mga nabiktima sa mga pabuto kini tungod sa hugot usab nga pagpatuman sa kamanduan nga gipagawas ni Pang. Duterte ang pag regulate sa mga guinadiling pabuto ug Pyrotechnics.

Pasamalamton usab ang kapulisan ngadto sa mga katawhan tungod kay mituman silasa ilang mga panawagan nga I selebrar ang bag-ong tuig nga malinawon ug puno sa kalipay.

Facebook Comments