Ulitawo gitigbas sa DavNor

Davao City – Gitigbas ang usa ka lalaki human wala magkasinabtanay sa iyang higala nahitabo alas 11:00 sa kagabhion sa milabay’ng adlaw didto sa Brgy. Doña Andrea, Asuncion, Davao del Norte.

Sa report sa Police Regional Office 11 (PRO-XI), ang biktima giila nga si Ronald Tortoa dela Cruz, 32 anyos, ulitawo ug residente sa nahisgutang lugar samtang ang suspek mao si Randy Romaguerra Laurente, 26 anyos, ulitawo, walay trabaho ug residente sa Purok-1A sa parehong barangay.

Base sa imbestigasyon, nag-storya ang duha sulod sa panimalay ni Laurente apan miabot sa punto nga wala na sila magkasinabtanay rason nga mikuha og stainless bolo si Laurente dayon tigbas kang dela Cruz ug naigo sa dughan nga bahin.


Daling gidala sa Davao Regional Hospital si dela Cruz aron matambalan samtang boluntaryong misurrender si Laurente sa ilang kapitan ug gi-endorso sa Asuncion Police Station lakip ang hinagiban alang sa tukmang disposisyon.

RadyoMaN Paul Canono

Facebook Comments