Ulitawo gitigbas sa silingan, namatay sa tambalanan

346

Dipolog City – Wa na kaagwanta sa mga samad tinigbasan og nakabsan sa kinabuhi ang sa usa ka ulitawo sulod sa tambalanan human kining natigbasan sa iyang silingan didto sa Purok Bonifacio, Barangay Punta, dinhi sa Dakbayan sa Dipolog alas-1:20 kagahapon sa kadlawon.

Giila ang biktimang namatay nga si Denmark Rica Maghinay, 23-anyos, residenti sa maong dapit.

Samtang ang suspek giilang si John Breck Chiong Lumanta, 32 anyos, ulitawo ug residenti gihapon sa maong Barangay.

Subay sa inisyal nga imbistigasyon sa Dipolog PNP nasayran nga ayha nahitabo ang pagpanigbas, ang suspek uban sa iyang igsuon ug higala nag-inom pa og bino sa balay sa iyang uyoan nga si Roland Chiong.

Matud pa ang biktima nalabay sa maong balay nga lango sa ilimnong makahubog nagsingitsingit kon diin gibadlong sumala pa sa tagbalay gumikan sa lawon na ang kagabhion.

Ang biktima nasuko nagkuhag kutsilyo ug gibalikan ang maong balay diin ang suspetsado wa sab nagpapogong nikuhag sundang didto na niini gitigbas ang nahisgutan pila ka higayon igo sa nagkandaiyang parti sa lawas.

Ang paramedic sa rescue 117 maoy gadala sa probinsyal hospital sa biktima aron unta katambalan apan tantong tinabang gideklarar sa doctor nga namatay bandang alas 9:00 kagahapon sa buntag.

Ang suspek malampusong nasikop sa niresponding si SPO3 Reynaldo Subebe ug narekober ang sundang nga gigamit sa krimen diin dunay gitas-ong 16.5 pulgadas lakip ang kutsilyo sa biktima nga adunay gitas-ong 11 pulgadas.

Facebook Comments