Ulitawo namaklad sa Brgy. Kagawad dakpan

197

Davao City – Arestado sa kapulisan sa Sta. Ana ang usa ka lalaki human namaklad sa usa ka Brgy. Kagawad pasado ala-1:00 sa hapon nahitabo sa Brgy. 36-D siyudad Davao.

Sa report gikan sa Presinto Uno, naligo si Kagawad sa CR diin kalit nakamatikod nga dunay nagkanaas sa atop niini.


Sa dihang iyang gisuling ang bangag sa atop sa CR, nakit-an niini ang suspek nga si alyas Ador, 34-anyos, ug nataymingan ang pagpanilip niini gani nagkasugat ang ilang mga mata.

Daling nangayo’g tabang ang kagawad ug papas nga mikanaug ang suspek nga buot muiktad apan dali ra sab nasikop sa mga silingan.

Sa interbiyu sa RMN Davao kang alyas Ador, iyang giangkon ang pagpamaklad diin matud niya nga natintal siya ug wala kapugong sa iyang kaugalingon rason nga iyang nabuhat ang pagpanilip.

Sa pagkakaron gihulat pa sa kapulisan ang Brgy. Kagawad kun mupasaka ba og kaso batok sa suspetsado nga namaklad kaniya.

RadyoMaN Don Pulayao

Facebook Comments

From Advertisers