Hagbong sa presinto sa kapolisan ang ulitawong drayber human nadakpan tungod sa pagpayuhot og iligal nga droga niaging hapon sa Barangay Lagao siyudad sa Gensan.
Sa gipagawas nga imbestigasyon sa Lagao Police Station 3, gipangunahan sa ilahang hepe na si Police Major Ruelito Lumiguid ang anti-illegal drugs operation batok sa suspek na si Bello Dalangin Jr. alyas Jun jun, 37 anyos, residente sa Tiongson Street sa nahisgutang barangay.
Kahibaw-an nga napalitan sa police poseur-buyer ang suspek og pakete sa gidudahang iligal na drogang shabu gamit ang 500 pesos na marked money.
Gilayong giposasan ang suspek human nagpositibo ang transaksyon.
Kasong pagsupak sa Section 5 o Selling of Dangerous Drugs ubos sa RA 9165 o Comprehensive Dangerous Drugs Act of 2002.
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: babae dakpan.jpg]
