Unang araw ng Barangay at SK Voter’s Registration sa probinsya ng Aklan, naging matagumpay

Kalibo, Aklan – Naging matagumpay ang unang araw ng itinakdang Barangay at SK Voter’s Registration kahapon Hulyo 5, 2022.
Sa naging panayam ng RMN DYKR kay Mr. Crispin Reymund “Dodoy” Gerardo ng Comelec Aklan nakapagtala ng 39 na applicants ang Comelec New Washington at ang iba pang Comelec offices sa Aklan ay meron ding naitala na hindi bababa sa 15 na applicants.
Ang opisina ng Comelec ay bukas mula Lunes hanggang Sabado, simula alas 8:00 ng umaga hanggang alas 5:00 ng hapon kasama na ang mga holidays para sa mga magpaparehistro at iba pang serbisyo na kanilang ibinibigay.
Target ng nasabing registration ang mga magpaparehistro para sa Sangguniang Kabataan na may edad 15-anyos hanggang 17-anyos.
Nagpaalala rin si Gerardo sa mga magpaparehistro na huwag ng hintayin ang last hour para sa kombenyente at wala ng extension pa ito.
Ang registration ay magtatapos sa Hulyo 23, 2022.
Facebook Comments