Unang Tribal Youth Leaders Summit, ipahigayon sa Bukidnon

37
Managtapok ang mga kadagkuan sa kabatan-unang lumad ning probinsya sa Bukidnon aron ipahigayon ang 1st Tribal Youth Leaders’ Summit nga gitemahang: “The Tribal Youth of Today, The Future Leaders of Tomorrow” sa umaabot Enero 26 hangtud 27 ning tuiga didto sa Centennial Stage, Kaamulan Park, Capitol Compound, Malaybalay City, Bukidnon.

Tumong sa maong panagtigum nga mapagahum ang mga kabatan-unang lumad sa probinsya, mapabati ang ilang tingog ug mapaabot ang ilang mga isyu ug problema nga ilang nasinati sa ilang tagsa-tagsa ka munisipyo ug syudad, masayran kung unsang mga programa sa gobyerno pinaagi sa mga nagkalain-laing ahensya nga pweding mapahimuslan sa mga batan-ong lumad ug mahimamat niini ang matag usa.

Gilauman nga motambong sa maong summit si Probinsyal Pederasyon ng Sangguiang Kabataan (PPSK) President Board Member Princess Grace L. Gayon, Provincial Youth Development Officer designate Arnie Lyn L. Mutia, ug mga lideres sa mga batan-ong lumad sa 20 ka lungsod ug 2 ka syudad sa probinsya sa Bukidnon.

Lakip usab nga giimbitahan si Senate Majority Leader Senador Juan Miguel “Migs” Zubiri ug mga nagkalain-laing ahensya sa gobyerno nga magpresentar sa ilang mga programa sama sa Commission on Higher Education (CHED), Technical Education And Skills Development Authority (TESDA), Department of Education (DepEd), Department of Trade and Industry (DTI), Department of Labor and Employment (DOLE), ug uban pa.

Facebook Comments