Unattended car gikabalak-an

Davao City- Midangop sa San Pedro PNP ang usa ka government security guard human kini nakadawat og impormasyon sa usa ka traffic enforcer nga adunay nakaparada nga White Toyota Hiace sa may Sangguniang Panglungsod sulod sa tulo na ka adlaw.

Base sa rekord sa Presinto Dos, ang complainant mao si Edgar Bautista, 47 anyos nga taga Spring Village Catalunan Pequeño.

Matod pa gikabalak-an ni Bautista nga basin adunay bomba ang sulod sa maong sakyanan rason nga nagpatabang kini sa kapulisan.


Dali usab kini girespondehan sa DCPO EOD Team bitbit ang K9 dogs ug human sa gihimong inspeksyon gideklara sa otoridad nga walay bomba o IED sulod sa maong sakyanan.

Ang maong sakyanan gi-tow na sa City Transport and Traffic Management Office.

RadyoMaN Don Pulayao

Facebook Comments