UNITOP ILOILO MANAGEMENT GINSABAT ANG NAGALAGAW NGA “FAKE NEWS” BATOK SA ILA MAY KAANGUT SA NCOV

i Balita
February 08, 2019
(Photo from web)
UNITOP ILOILO MANAGEMENT GINSABAT ANG NAGALAGAW NGA “FAKE NEWS” BATOK SA ILA MAY KAANGUT SA NCOV
Nagsabat ang management sang Unitop Iloilo may kaangut sa nagalagaw nga mensahe sa social media nga infected ang pila ka empleyado kag mga manager nila sang Novel Corona Virus matapos nga nagbakasyun ang mga ini sa China.
Sa Facebook post sang mangement sang nasambit nga balaligyaan, ila ginpanginwala ang nasambit nga inpormasyun kag gintawag ini nga fake news.
Basi sa post, ginpasiguro ni Mr. Albert Brito, Vice President for Operations sang Unitop Management, ginpaabot nila sa ila mga suki kag bumalakal nga wala sila sang empleyado okon managers man nga infected sang NCoV.
Dugang pa sini nga strikto ang ginahimo nga tikang sang management agud masiguro nga safe ang ila mga establisemiento.
Nagapakig- angut man ang management sang balaligyaan sa mga otoridad para hibaloun kag ma-trace kun sin-o ang nagpalapta sang nasambit nga fake news.
Maluwas sa Unitop Iloilo, kasubong man sini ang senario sa mga branch nila sa iban nga lugar kasubong sang Bacolod City, Kabankalan City sa Negros Occidental, Cebu City kag Dumaguete City, Koronadal City kag Kidapawan City sa Cotabato.
Via UNITOP Management

Facebook Comments