Unom gidakop tungod sa pagtagay

15

[image: blotter-jpg-213-jpg.jpg]
Gidakop og gidala sa presinto sa Pendatun Police Station sa siyudad sa GenSan ang unom ka mga lalaki nagpanuigon og 18 anyos hangtud 25 anyos human masita sa nagronda nga pulis niaging gabie.

Giila ang mga nadakpan sa pangalang John Michael Timan, Joel Jay Libra, James Garcia, Kenneth Garcia, Dale Hope Cudiamat ug Rex John Concepcion nga parehong magsilingan og residente sa Purok Dagohoy Paradise Barangay Dadiangas North ning siyudad.

Nasayran sa blotter report gikan sa presinto sa kapolisan nga anaa matod pa nagtagay ang unom sa lugar nga gibawal ang pagtagay.

Hinungdan nga gidala sa presinto og gi-orient sa kapolisan ang unom kabahin sa pagbawal na magtagay sa prohibited places.

Giimbargo sa pulis ang longneck sa ilimnon og gibuhian dayon ang unom human masita.

Facebook Comments