Unom patay, duha pulis samdan sa anti-terror operations

72

Unom ang patay samtang duha ka pulis ang samdan sa gilusad nga anti-terror operations sa joint elements sa PNP og Army sa Purok 6, Barangay Koronadal Proper, Polomolok, South Cotabato sayo kaganihang buntag.

Sa inisyal nga imbestigasyon sa Polomolok Municipal Police Station giila ang mga napatay sa pangalang Arafat Bulacon, hamtong ang edad, myembro sa Dawlah Islamiya Socsargen Khatiba.


Lakip sa mga napatay silang Rusdy Sadalao ug magparyenteng sila Norman Marot, Ersad Marot, Abdul Bayan Marot ug Mananding Marot.

Sa nahisgutang operasyon samdan ang myembro sa Special Action Force kabahin sa assault team silang Police Corporal Bryan Cabreros ug Patrolman Ronald Nipalam nga may samad igo sa collar bone ug tuhod.

Mag-serve matod pa og arrest warrant sa kasong murder ang kapolisan batok ngadto sa mga high value targets na myembro sa Dawlah Islamiya Maguid Group apan nakamatikod sa presensya sa kapolisan hinungdan nahitabo ang engkwentro.

Samtang sa crime scene adunay narekober ang kapolisan og mga high power og short firearms gikan sa mga suspek, eksplosibo, granada, pakete sa iligal na droga ug ISIS black flag.
Kahibaw-an nga niaging adlaw milusad og operasyon ang kapolisan og kasundalohan aron arestuhon silang Arafat Bulacon ug Tadoy Macatiguil apan abtik silang nakasibat.




Padayon usab nga gipangita sa kapolisan ang nakasibat nga myembro sa maong grupo na sympathizer sa ISIS Terror Group.
Ang nahisgutang operasyon direktang gi-supervise ni Police Brigadier General Michael John Dubria, Regional Director sa Police Regional Office 12 ug gipangunahan ni Police Colonel Jemuel Siason, Provincial Director sa South Cotabato Police Provincial Office.

Photo: South Cotabato Police Provincial Office

For more info’s and updates, like and share our official facebook account: www.facebook.com/ifm91.9Gensanofficial/

#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: 124234205_3546791992010608_4814260197039339212_n.jpg]

Facebook Comments