Unu ya lang del 16 maga detenido quien ya escapa desde na Tetuan Police Station el esta pa perdido amediante el continuando embuscada ta conduci el maga otoridad.
Base na record del pulis ya puede ya recobri con 15 maga detenido fuera ya lang con Sulaiman Sali.
Pero el pulis y militar ta continua el pursuit operations para el aresto di Sali.
Si Sali unu del 16 maga detenido desde na Tetuan Police Station del Martes aga despues estos ya saja conel trangca del celda usando cierra de jiero.
Pero unu-por-unu canila ya puede otravez cuji mientras tiene diila ya rendi na otoridad.
Mientrastanto con cuantos pulis desde Zamboanga City Mobile Force Company na encabesamiento di Supt. Alvin Saguban ya designa el City Police Director Sr. Supt. Neri Vincent Ignacio como el temporaryo encargao del Tetuan Police Station mientras con el jefe y cuantos personajes ya tene designa na ZCPO-CPAU amediante ta enfrenta estos el consequencia por el diila neglegencia.
