Upat patay sa ambush sa Brgy . Pook Talisay City

355

*Patay si P03 Michael Santino Cortes ug Dennis Papilona , driver ug lain pang lalaki nga wala pa mailhi sa ambush nga nahitabo sa Sitio Ranger Brgy. Pooc syudad sa Talisay.*

*Ang mga biktima luwan sa KIA SORENTO sa dihang gi-ambush.*

*Sa inisyal nga imbistigasyon ang mga biktima padung sa Biasong, Talisay apan pag abot sa Sitio Ranger sa Pooc Talisay girakrakan kini sa wala pa mailhi nga grupo nga luwan og motorsiklo ug puti nga van.*

*Natusak-tusak sa bala ang SORENTO ug napalgan nga nagligo sa dugo si P03 Cortes sud sa sakyanan, driver niini nga si Papilona nga nakagawas pa sa sakyanan , ug lain pang police nga wala pa mailhi nga naglingkod sa backseat.*

*Si P03 Cortes giingong nalakip sa durg watchlist ni Presidente Rodrigo Duterte hinungdan nga nalabay kini sa Marawi City, apan matag karon ug unya mag-ulian gihapon ang biktima sa Sugbo.*

Basurera nga napagan atol sa ambush sa Pooc Talisay , giila nga si Zenaida Ranggos

*Atol sa ambush, napagan usab ang usa ka basurera nga si Zenaida Pardillo Ranggos , nga igo lang naglakaw dala-dala ang iyang sako sa dihang nahitabo ang binakbakay.*

*Padayon pa ang Scene of the Crime Operation sa pag process sa crime scene, pagtino kon unsa ang mga armas ang gigamit ug asa ang igo sa mga biktima.*
* Samtang nanghipos pa og impormasyon ang Talisay Police, lakip na ang pagsusi kon duna bay CCTV camera ang nahitaboan sa ambush aron pag-ila sa mga mamumuno.*

Facebook Comments