Upat barangay tanod nga nakuhaan og mga armas, napasakaan og kaso sa NBI

GENERAL SANTOS CITY- Napasakaan na ug kaso ang upat ka mga barangay tanod kauban ilang chief tanod og kasong paglapas sa Comprehensive Law on Firearms and Ammunition human makuhaan og armas atol sa gi-implementang search warrants sa NBI-SARDO kauban ang kapolisan, kasundalohan og NICA12 sa Barangay Congan, Glan, Sarangani Province.

Matod kay Regner Pineza – hepe sa NBI-SARDO, giila niini ang mga nadakpan nga silang Ruben Salmigan, Paterno Agrias, Bonifacio Gamorot ug chief tanod nga si Jimmy Manggay.

Nasayran nga si Salmigan kanhi barangay konsehal ug nahimong kapitan sa maong barangay human napatay ang ilang punong barangay niaging ulahing termino niini.


Target sa maong operasyon silang Roldan Sison Sr., barangay kapitan sa maong lugar og silang Rgelio Array, Ruben Salmigan, Rito Salmigan ug Bruno Bansalao.
Himuong ebedensya sa NBI sa maong kaso ang nakumpiskang tulo ka Garand Rifle, 12 gauge shotgun, .45 caliber pistol ug mga bala.

Pirmado ni Judge Oscar Noel Jr. sa RTC 12 Branch 35 niadtong October 9 (Search Warrant No. 19-180, 19-181, 19-182, 19-183 ug 19-184).
Dugang ni Pineza, wala maabtan ang barangay kapitan sa maong lugar ingon man ang nahibiling target apan pasakaan gihapon sa NBI ang mga nahisgutan og kasusamang kaso.
For more info’s and updates, like and share our official facebook account : www.facebook.com/ifm91.9Gensanofficial/

[image: armas.jpg]

Facebook Comments