Upat ka mga investors sa laing klasi sa money scam ning syudad ang mi-reklamo sa Divisoria Police Station.
Ang mga biktima nagpaila sa ngalan nga silang Jeroen Jay Pioquinto, 23 anyos, taga Zone 6, Zayas, Carmen, Katrina Tan, 23 anyos, taga Sto Niño Cristory, Bonbon, Nickle Flyod Paculba, 24 anyos ug Princes Jeuneace Sagpang nga pulos taga Kinsanlu, Iponan ning syudad.
Ang upat ka mga complainant pulos investor sa Entrepreneur of FTC Forex Trader International nga gipanag-iya sa usa ka Noel Jeric Pacatang, 25 anyos, ulitawo ug taga 2-B, Gusa.
Matud sa ilang reklamo nga gipa-record sa Divisoria Police, si Pioquinto, Tan, Paculba ug Sapang, nag-invest sa Entrepreneur of FTC Forex Trader ni Pacatang sa lain laing panahon ning tuig 2018 sa kantidad nga libo-libo ka pesos.
Sa record sa Divisoria Police Station si Pioquinto, nag-invest sa Forex trader ni Pacatang sa 250-mil pesos sulod sa tulo ka higayon nga naglakip sa 50-mil pesos niadtong Mayo 31, 100-thousand pesos niadtong June 15 ug 100-thousand pesos niadtong September 15, 2018.
Samtang si Tan, nag-invest usab sa kantidad nga 50-mil pesos sa tulo ka higayon nga naglakip sa 10-mil pesos niadtong Mayo 31, 20-mil pesos niadtong August 15 ug 20-mil pesos niadtong Oktubre 9, 2018.
Samtang si Paculba ug Sagpang, nag-invest sa 15-mil pesos niadtong August 31.
Matud sa upat ka mga biktima nga nag-invest sila sa Entrepreneur of FTC Forex Trader International ni Pacatang sibo sa ilang kontrata sulod sa unom ka bulan.
Gibutyag sa maong mga biktima nga sigon sa ilang unom ka bulan nga kontrata, si Pacatang mobayad kanila sa 15 percent monthly interest sa capital nga gi-invest sa maong forex trader.
Apan matud sa maong mga biktima nga sukad sa ilang pag-invest sa Forex trader ni Pacatang, walay 15 percent sa ilang capital nga nadawat gikan sa maong suspek.
Kini ang rason nga ang upat ka mga biktima ang nangayog tabang sa Divisoria police station dala sa ilang pamasin nga ilang makobra ang ilang 15 percent monthly interest nga ilang gi-invest sa forex Trader ni Pacatang.
