Upat ka Davao subdivision apektado sa Mindanao Railway System Project

Davao City – Gi-apelar ni Davao City Second district Councilor Danilo Dayanghirang nga i-readjust ang alignment sa maapektuhang lugar sa planong itukod nga Mindanao Railway System.

Human kini nasayran nga dakong apektado ang mga lugar ilawom sa ikaduhang distrito ilabi ang upat ka mga dagkong subdivisions dinhi sa syudad sa Davao.

Sumala pa apektado ang South Pacific sa Mintal Tugbok, portion sa Deca Homes sa Catalunan Grande, Villa Señorita sa Brgy. Langub Maa ug ang Garden Heights sa Brgy. Modiang Bunawan.


“Just move up a little as not to refuse more pressure on the urban development in the city,” segun niini.

Subay niini, nasayran nga wala matud pa nakig koordinar ang Department of Transportation (DOTr) kinsa mao ang nangulo sa maong proyekto.

Gani segun ni Engr. Roy Rigor sa City Planning nga wala sumala pa naghanyag og transportation development zone ang presenteng zoning ordinance sa syudad.

Gidasonan usab ni Gem Tevez sa Department of Public Works and Highways (DPWH-XI) nga wala sab silay partisipasyon sa pagplano sa railway alignment sanglit wala matud pa nakig koordinar ang DOTr kanila.

Giimbatahan ni Dayanghirang ang responsableng deparamento sa konseho apan pakyas kining naka tambong ug nagpadalag mensahe nga konsultahon usa nila ang DOTr secretary.

Mientras sugyot ni Vice Mayor Bernard Al-ag sa maong mulo nga mag mugna og counter proposal bahin sa plano nga proyekto.

RadyoMaN Jason Amisola

Facebook Comments