*Nasikop ang upat ka lalaki nga suspek sa pagpatay sa usa ka police asset sa gipahigayong manhunt operation sa mga ginsakpan sa Police Station 2 Cogon ug Police Station 5 Macabalan kagahapong adlawa.*
*Mga suspetsado naila nga silang Nustrom Mero, 20 anyos, Allan Reyorsora, 45 anyos, Erwin Alphanta, 33 anyos ug Mario Ramos, 26 anyos kinsa mipusil sa biktima nga nailang si Winston Barera, 23 anyos nga taga Brgy. Kauswagan ning dakbayan kinsa matud pa usa ka police asset.*
*Mahinumduman nga niadtong adlawang domingo sa buntag usa ka patayng lawas sa usa ka lalaki ang nakaplagang patay nga adunay mga samad pinusilan diha sa Sitio Macapaya, Brgy. Camaman.an ning dakbayan.*
*Sa interview, gibutyag ni PCI Harvey Abellanosa sa PS2 Cogon nga unang nadakpan si Mero sa Police Station 5 Macabalan og sa ilang pag.imbestigar ilang napaangkon kini kung kinsa ang iyang mga kauban sa pagpatay ni Barera rason nga mipahigayon sila og man hunt operation human usab nakatug-an ang ka live in ni Barera gi-unsa kini pagpatay kay matud pa nag-uban sila atong mga panahona swerte nalang nga nakasibat kini human matud pa usab kini gilugos sa mga suspek.*
*Nasayran usab nga si Ramos aduna nay daang kaso nga rape ug motornapping ug nakuha usab sa iyang posisyon ang usa ka 38 revolver nga adunay upat ka bala ug usa ka granada.*
*Insidente natigayon alas kwatro sa hapo kagahapong adlawa diha sa Sitio, Macapaya Brgy Camaman-an ning dakbayan.*
*Mga suspetsado karon ang detinado na sa mini cell sa police station 2 cogon ug posibleng mag atubang sa kasong ipasaka batok kanila.*
*By: RadyoMan Anne Jane Duhaylungsod*
