Nahagbong sa kamot sa kapolisan sa Tinagacan Police Station 8 ang upat ka mga inahan nga nagdula og baraha samtang naka home quarantine sa ilang purok gahapon sa hapon.
Wala na gihinganlan ni Police Major Bashir Alindo, hepe sa nasangpit nga presinto ang mga suspek nga inahan nga nagpanuigon gikan 30 anyos hangtud 64 anyos nga mga residente sa Purok 10-A, Barangay Katangawan ning siyudad.
Dugang pa ni Major Alindo, gimonitor nila ang mga suspek nga inahan pinaagi sa pagsul-ob og sibilyan paingon sa panimalay nga ilang gidulaan og didto naabtan ang mga suspek.
Narekober sa mga pulis ang baraha nga gigamit, pusta nga 109 pesos, kahoy nga lamesa ug upat ka pungkuanan.
Kasong pagsupak sa Presidential Decree 1602 ang atubangon sa upat ka mga inahan.
Samtang gikumpirma sab sa mga ginang ngadto sa kapolisan nga dili sila myembro sa programa sa gobyerno nga Pantawid Pamilyang Pilipino Program o 4P’s og wala pa sab sila makadawat og tabang pinansyal gikan sa Social Amelioration Program.
photo: ctto
For more info’s and updates, like and share our official facebook account : www.facebook.com/ifm91.9Gensanofficial/
[image: sikop sa sugal.jpg]
