Compostella Valley- Detinado karon sa kapolisan sa Laak, Municipal Police Station human giindosar sa ginsakpan sa 60th Infantry Mediator Battalion ang upat ka mga dinakpan nga sila si Jimmy Adlin, Romar Rosales, Ronnel Jay Tunlay ug John Rex Mision, pulos hamtong ang pangidaron, lumulupyo sa Purok 2, Km. 26 Special Barangay LS Sarmiento, Kidawa, Laak Compostela Valley Province.
Sumala sa record sa kapolisan sa Laak, nadakpan ang mga suspetsado samtang nagpahigayon ug combat patrol ang gisakpan sa 60th IB Phil.Army sa Kidawa, Laak, Comval Province nga giingong nananum og gituhoang bomba (landmine) sa dalan alas 4:30 sa hapon.
Narecover sa mga dinakpan, ang improvised explosive device (IED), 50 metros nga electrical wire ug usa ka fragmentation hand grenade. Ang maong mga dinakpan gitakdang pasakaan og kaso.
Kasamang Jules Catisay
