Davao City – Napasakahan na sa kapolisan sa Sta. Ana PNP sa kasong kalapasan sa R.A. 9165 kun comprehensive dangerous drugs act of 2002 batok sa upat ka mga high value targets mao sila si Emilita Leyes, 61 anyos, nagpuyo sa Purok 1 Sitio Punta, Brgy. 76-A ning siyudad, Nelson Borja, 43 anyos, Mary Grace Luto, 19 anyos, dalaga, ug usa ka Norma Luto, 43 anyos, minyo, pareho nagpuyo sa Biao Guinanga Tugbok ning dakbayan.
Kahinumdoman human gilusad sa kapolisan ang buy-bust operation niadtong milabayng adlaw alas 5:58 sa gabie didto sa nahisgutang lugar, narekober ang usa ka elongated heat sealed transparent plastic sachet, walo ka rectangular shape transparent heat sealed plastic sachet, pito ka elongated transparent heat sealed plastic sachet, usa ka improvised plastic tooter, buy bust money nga P1,000 lakip ang ubang illegal drug paraphernalia.
Ang mga drug items nga nakompiska sa kapolisan nagkantidad sa dul-an P500,000.
Kasamtangang balhog na sa Sta. Ana PNP ang maong mga suspetsado.
RadyoMaN Don Pulayao
